tula

hating-gabi
katahimikan ng paligid
habang ang karamihan nahihimbing sa pagtulog
bukas pa din ang ilaw sa akin silid
gising ang akin isip
hawak ang panulat
nag-kalat ang lukot na papel sa lamesa
ganon din sa sahig
sisimulan ko muli mag-sulat
mali… hindi sakto
masyadong matamis ang mga salita
mukhang di kapani-paniwala
masyadong simple
kulang ata ng damdamin
paano ko ba sasabihin?
paano ko ipapaliwanag?

teka…magka-kape muna ko
baka sakali tumakbo ang ideya sa akin isip
hindi ako  nabigyan ng ideya ng kape
lalo lang pinabilis ang tibok ng puso ko
gusto na pumikit ng mata ko
pero hindi ang isip ko
hanggang di ko naisusulat ang gusto ko sabihin sa'yo
sige kahit ano na lang
ito na isa.. dalawa.. tatlo…

mahal kita. isa ka sa mga dahilan ng magandang pag-gising ko sa umaga. sa tuwing magkasama tayo puno ng galak ang akin puso. gusto ko titigan ang mga mata mo. nakikita ko ang buong ikaw. hindi ka pangit katulad na lagi sinasabi mo o ng ibang tao. walang halong-biro ang sinasabi ko. mahal kita… yan ang masasabi ko ng buong puso. at salamat sa pagkakataon na ipagkatiwala mo sa kin ang iyong puso